गणतन्त्र असफल, राष्ट्र बचाउने शक्ति राजसंस्था : अभिनेता रमेश उप्रेतीको खुला चेतावनी

काठमाडौं । नेपाली फिल्म क्षेत्रका चर्चित अभिनेता रमेश उप्रेती ले पछिल्लो समय देशको राजनीतिक अवस्थाप्रति गम्भीर असन्तुष्टि व्यक्त गर्दै राजसंस्थाको खुलेर समर्थन गरेका छन्। सामाजिक सञ्जाल तथा सार्वजनिक अभिव्यक्तिमार्फत उनले वर्तमान व्यवस्था जनताको अपेक्षा अनुसार नचलिरहेको भन्दै कडा टिप्पणी गरेका हुन्।

उप्रेतीले देशमा भ्रष्टाचार, राजनीतिक अस्थिरता र विदेशी हस्तक्षेप बढ्दै गएको दाबी गर्दै राष्ट्र जोगाउन अब बलियो राष्ट्रिय नेतृत्व आवश्यक भएको बताएका छन्। उनका अनुसार गणतन्त्रको नाममा जनतामाथि अन्याय भइरहेको छ र राज्य संयन्त्र जनताको हितभन्दा टाढा पुगेको छ।

“अब धेरै सह्य भइसक्यो, देश प्रयोगशाला बन्न हुँदैन,” भन्दै उनले राजसंस्थालाई राष्ट्रिय एकताको आधार का रूपमा पुनःस्थापित गर्नुपर्ने धारणा राखेका छन्। उनले राजसंस्था कुनै व्यक्ति विशेषको विषय नभई राष्ट्र, राष्ट्रियता र पहिचानसँग जोडिएको मुद्दा भएको उल्लेख गरेका छन्।

कलाकार उप्रेतीको यो अभिव्यक्तिलाई सामाजिक सञ्जालमा व्यापक समर्थन मिलिरहेको छ। धेरैले उनको साहसी बोलीको प्रशंसा गरेका छन् भने केहीले मिश्रित प्रतिक्रिया पनि दिएका छन्। यद्यपि, उप्रेती आफ्नो अडानबाट पछि नहट्ने संकेत गर्दै ‘राष्ट्र बचाउने लडाइँमा कलाकार पनि मौन बस्न हुँदैन’ भन्ने स्पष्ट सन्देश दिएका छन्।

उनको भनाइले फेरि एकपटक राजसंस्था बनाम गणतन्त्र बहसलाई सार्वजनिक बहसको केन्द्रमा ल्याएको छ। अब यो विषय राजनीतिक वृत्तमा कुन दिशातर्फ अघि बढ्छ भन्ने चासो बढेको छ।

#RameshUpreti #राजसंस्था #राष्ट्रवादी #KingForNation #Nepalepost